|
Oor Wallace
Scotland’s scouth an bonnie songs
O’ wans that faucht an wans that hung
Thae English rapt oor verra sile
Wae vile rules made, fur bluid tae bile
King Edward’s twisted lachter rang
In lugs o’ Scots, sic sorra sang.
Aw Scot’s the gither, stood
thur groond
Wae Oor Wallace wae haunds unbood
United laddies athort the lan
In fear, thae nobles upt an ran
Oor castles, kintra, wummin an King?
Whan wid oor glens an muntains sing?
Oor men fired up sae prood tae staund
Thochts sae certaint wae richts in haund
Kinship sae sure wur aye tae fecht
Wae archers, sodgers forby knichts
Wallace’s spirit, liftin souls
Fur Scotland’s scouth faucht wild an bold.
Brithers an faithers aid thur plight
Fur thur wears, the gither unite
Wallace a vision saltire an dare
Embossed in minds furever mair
Hoarse lungs skirl oot a slogan skreek
Alas, gang forrit tae defeat.
~
Oor Wallace mou, whit did ye dae?
Wull never ken, tae oor dismay
Forgotten centuries o’ monie men
Blind Harry minds us wae his pen
Tae us a hero, redeemed sae high
Scotland furever,
did Wallace die.
The Scriever©
| 